जनताले काँग्रेसमा नयाँ नेतृत्व खोज्दै छ, यो कुरा शेरबहादुर र रामचन्द्र पौडेलले बुझ्नु पर्छ : नेता लामिछाने

नेपाली काँग्रेसका युवा नेता श्रीराम लामिछानेले काँग्रेसको आसन्न महाधिवेशनमा वर्तमान पार्टी सभापति शेर बहादुर देउवा र वरिष्ठ नेता रामचन्द्र पौडेलको विकल्प जनताले खोजेको बताएका छन् ।

कांग्रेस राजनीतिलाई राम्रो सँग बुझ्ने, विद्यार्थी राजनीतिबाट उदाएका नेता लामिछानेले केटिएम खबर कर्मी सँग कुरा गर्दै आसन्न महाधिवेशनमा प्रकाशमान सिंह पार्टी सभापति बन्ने ठोकुवा समेत गर्छन ।  उनि भन्छन अग्रज नेताहरुले जनता र कार्यकर्ताको भावना बुझ्नु पर्छ।

पार्टीका अग्रज नेता देउवा र पौडेलले  गरेका कामको जनताले उच्च मूल्याङ्कन गरेको छ  ।  तर अहिले पार्टीको नेत्रीत्व उहाहरुमा सिमित नहोस भन्ने जनभावना रहेको अग्रज नेताहरुले बुझ्नु पर्छ ।   उहाहरुले पार्टीलाई गति दिँदै यहाँ सम्म ल्याउनु भयो अबका दिनमा उहाहरुले अभिभावक भूमिका निर्वाह गर्नु पर्छ।

कांग्रेस पार्टीलाई बलियो र जनताको भावना बुझ्न सक्ने बनाउनका लागि नेता प्रकाशमानले सभापतिको दाबी गरी सकेको बताउँदै आसन्न महाधिवेशनमा प्रकाशमान सिंह सभापतिबाट पछि नहट्ने समेत बताएका छन् ।

उनी अझ थप्दै भन्छन् । प्रकाशमान सिंह गणेशमान सिंहको छोरा हो । तर सडक देखि सदन सम्म पार्टी र जनताका लागि लडेको नेता भएका कारण यो महाधिवेशनमा प्रकाशमान सिंह सभापति बन्नु हुन्छ ।

आसन्न महाधिवेशन काठमाण्डौ क्षेत्र नम्बर ४ बाट महाधिवेशन प्रतिनिधिमा निर्वाचित भएका नेता लामिछाने  प्रकाशमान सिंह निकट मानिन्छन् ।