प्रधानन्यायाधीशले बोलाए ‘फुलकोर्ट’ बैठक, बारले पनि बोलायो आकस्मिक बैठक

सर्वोच्च अदालतमा जारी आन्दोलनले उग्र रुप लिएको छ । अदालतको आन्दोलन र गतिरोध लम्बिँदै जाँदा समाधानको उपाय कतैबाट नदेखिएपछि प्रधानन्यायाधीश चोलेन्द्र शमशेर जबराले ‘फुलकोर्ट’ बैठक बोलाएका छन् ।

तर उक्त बैठकमा अन्य न्यायाधीशहरु आउने या नआउने निक्र्यौल छैन, यसअघि प्रन्या जबराले बोलाएका बैठक असन्तुष्ट न्यायाधीशहरुले बहिस्कार गर्दै आएका थिए ।

प्रधानन्यायाधीशको राजीनामा माग्दै सर्वोच्चकै न्यायाधीश तथा नेपाल बार एसोसिएन आबद्ध वकिलहरु करिब १ महिनादेखि आन्दोलनमा छन् । तर आन्दोलन मत्थर हुने नदेखेपछि निकासका लागि प्रन्या जबराले फुलकोर्ट बैठक बोलाएका हुन् । स्रोतका अनुसार सर्वोच्चमा आन्दोलनरत १३ जना न्यायाधीश ‘फुलकोर्ट’ बोलाउन तयार भएपछि उक्त बैठक बोलाइएको हो ।