ओलीको ठोकुवा, काँग्रेस त प्रचण्ड पथमा गयो गयो…

नेकपा एमालेका अध्यक्ष केपी शर्मा ओलीले काँग्रेस प्रचण्ड पथमा गयो गयो भन्दै ठोकुवा गरेका छन् ।

पुर्व प्रधानमन्त्री समेत रहेका ओलीले काँग्रेसका कार्यकर्ता के हेरेर अझै काँग्रेसमा बसिरहेको भन्दै प्रश्न गरे । ‘कहाँ छ विपी कोइरालाको काँग्रेस ? गणेशमानको काँग्रेस, कहाँ छ कृष्णप्रसाद भट्टराई हुँदाको काँग्रेस ? अहिले त प्रचण्डले जे अह्रायो त्यहीँ’ओलीको भनाइ छ । उनले काँग्रेसलाई अहिले एउटा प्रधानमन्त्रीको कुर्सी भए पुगेको भन्दै अव काँग्रेस एक्लै एमालेसँग चुनाव लड्न नसक्ने दावी समेत गरे ।

चार हात टेकेर हिँड्छ काँग्रेस । चुनावसम्म गठबन्धन रे, म काँग्रेसलाई सोध्न चाहान्छु एमालेसँग एक्लै चुनावमा लड्ने दम छ ? सक्छ एमालेसँग एक्लै लड्न काँग्रेसले ? काँग्रेस हिजोको छैन बुढो भयो । अव काँग्रेस अरूसँग तालमेल मिलाउँदा मिलाउँदै कहाँ पुग्ने हो थाहा छैन’, ओलीको टिप्पणी छ ।