शेरबहादुर देउवा देशकै असक्षम नेतृत्व : रामचन्द्र पौडेल

नेपाली काँग्रेसका वरिष्ठ नेता रामचन्द्र पौडेलले पार्टी सभापति तथा प्रधानमन्त्री शेरबहादुर देउवालाई देशकै असक्षम नेतृत्व भएको सङ्केत गरेका छन् ।

गत मङ्गलवार बिहान हेटौँडामा कार्यकर्तालाई सम्बोधन गर्ने क्रममा उनले सो कुरा दाबी गरेका हुन् ।

पाँच वर्षसम्म पार्टीको महाधिवेशन गर्न सकेको छैन, निर्वाचन आयोगले पार्टी अहिले सम्म  जोगाइदिइरहेको छ । यही नेतृत्वले अझै देशकै चुनाव गर्ने दाबी गरिरहेको छ ।

आफ्नै पार्टीको चुनाव गर्न नसक्नेले देशको चुनाव कसरी गर्लान्,’ भन्दै आफ्नै पार्टी सभापति उपर वरिष्ठ नेता पौडेल खनिएका हुन् ।
आशन्न महाधिवेशनमा पार्टी सभापतिको दाबी गरिरहेका पौडेलले आफु सभापतिको स्वभाबिक उम्मेदवार समेत रहेको बताएका छन् ।

एक फरक प्रसङ्गमा बोल्दै उनले वर्तमान प्रधानन्यायाधिश ले जति सक्दो चाँडो राजीनामा गर्नु पर्ने समेत बताएका छन् ।
पौडेलले भनेका छन् प्रधानन्यायाधीशलाई जतिसक्दो चाँडो राजीनामा दिएर अदालतलाई विवादबाट पर राख्नुपर्छ ।

आउँदो राष्ट्रिय सभा सदस्यको चुनावमा नेपाली काँग्रेसको कानुनी हैसियत हुन्छ कि हुँदैन भन्ने अवस्था आइसकेको बताउँदै समयमै महाधिवेशन गर्ने तर्फ देउवा लाग्नु पर्नेमा पौडेलको जोड थियो ।