चोलेन्द्रलाई एकछिन पनि प्रधानन्यायाधीशको भूमिकामा राख्न हुन्न: रमण श्रेष्ठ

वरिष्ठ अधिवक्ता रमण श्रेष्ठले प्रधानन्याधीश चोलेन्द्रशम्शेर राणाले छिटो राजीनामा दिनुपर्ने बताएका छन्। राणा प्रधानन्यायाधीश भएपछिका तीन वर्षमा न्यायलयभित्र विकृति र भ्रष्टाचार बढेको उनको आरोप थियो।

कात्तिक १७ भित्र प्रधानन्यायधीशले राजीनामा नदिए नेपाल बारले थप आन्दोलन गर्ने उनले बताए। उनले सम्मानजनक बहिर्गमनका कुरा आएकोले सतर्क रहनुपर्ने पनि बताए।

‘अहिले प्रधानन्यायाधीशले स-सम्मान बहिर्गमनको कुरो गरिराख्नु भएको छ- त्यो जालझेल हो, षड्यन्त्र हो, सतर्क हुनुहोला,’ उनले भने। राणालाई एकछिन पनि प्रधानन्यायाधीशको भूमिकामा राख्न नहुने पनि उनले बताए। संविधान र कानुनविपरीत जान खोज्नेहरू टिक्ने स्थिति नहुने पनि बताए।