चुनावपछि एमालेलाई टर्च बालेर खोज्नुपर्छः माधव नेपाल

नेकपा एकीकृत समाजवादीका अध्यक्ष माधवकुमार नेपालले आगामी निर्वाचन पछि एमालेलाई टर्च बालेर खोज्नु पर्ने अवस्था आउने दावी गरे गरेका छन् । ‘

हामीले गठन गरेको समाजवादीमा आकर्षण बढिरहेको छ,समाजवादी नै सच्चा कम्युनिस्ट भएको जनाको बुझाइ छ,’ उनले भने,‘हामीसँग सही विचार र देशलाई माया गर्ने संकल्प छ, अहिले समाजवादीलाई तथानाम भन्‍नेहरुलाई आगामी दिनमा टर्च बालेर खोज्ने दिन आउने छ ।’

अध्यक्ष नेपालले एमाले पार्टी अध्यक्ष केपी ओलीसँगै सति जाने थालेको आरोप समेत लगाए । एमाले अध्यक्ष केपी ओलीलाई कम्युनिष्ट पार्टी मन नपर्ने भएकोले उनले एकपक्षीय ढंगले पार्टीमा हैकम जमाएको बताए ।

उनले एकीकृत समाजवादी वास्तविक कम्युनिष्ट पार्टी भएको दाबी गर्दै नेपालमा कम्युनिष्ट पार्टी निर्माणमा लामो समयदेखि संघर्ष गर्दै आएकाको दावी गरे । उनले तीनै तहको निर्वाचन एकै पटक गर्नु पर्ने बताए । तीनै तहको निर्वाचन एकै पटक गर्दा देशलाई आर्थिक भार कम हुने यो नै विकल्प उत्तम हुने उनको भनाइ थियो।