काग कराउँदै गर्छ पिना सुक्दै गर्छ, आफ्नै कर्ममा फर्किए चोलेन्द्र !

आफ्नो राजीनामा माग गर्दै न्यायाधीशहरूले मुद्दा नहेरिरहेका बेला प्रधानन्यायाधीश चोलेन्द्रशम्शेर जबरा आफू भने इजलासमा बसेका छन् । उनी काग कराउँदै गर्छ पिना सुक्दै गर्छ भन्ने स्टाईलमा आफ्नो काममा फर्केका छन् ।

जबराले बुधवार संवैधानिक र आफ्नो एकलसहित १२ वटा इजलास गठन गरेका थिए । अरू इजलासका न्यायाधीश नआए पनि जबराले एकल इजलास राखेका छन् र अदालतको अवहेलना, बन्दी प्रत्यक्षीकरण र कालोबजारी तथा अन्य केही कसुर सम्बन्धी मुद्दा हेर्दै आदेश दिएका हुन् ।

उनले सोमबार र मंगलबार अरु न्यायाधीशहरूको इजलास राखे पनि आफ्ना राखेका थिएनन् । तर न्यायाधीशहरूले मुद्दा नहेरेपछि बुधबार आफ्नो एकल इजलास राखेर मुद्दा हेर्दै अरुमाथि दबाब बढाउने प्रयास गरेका छन् ।