पराजयको थुप्रोमा पुरिएको नेपाली फुटबललाई सुगन्ध छर्ने अलमुताइरी !

एकताका नेपाली फुटबल हेर्दै लाज लाग्ने अवस्थामा गुज्रिएको थियो । अन्तर्राष्ट्रिय प्रतियोगिताहरूमा नेपाली खेलाडीको फितलो प्रदर्शनले फुटबलमा  उकुसमुकुसको वातावरण पैदा भएको थियो ।, हरेक खेल सहभागितामै मात्र सीमित भएका थिए ।

तर अहिले नेपाली फुटबलमा फरक पन आएको छ । आशालाग्दो नेपाली फुटबलरले खेल खेल्न थालेका छन् । यसको सबैभन्दा ठुलो जस कुवेतका नागरिक अब्दुल्लाह अलमुताइरी जसले नेपाली फुटबलको मुख्य प्रशिक्षकको भूमिका निभाए उनलाई जान्छ ।

अलमुताइरीले नेपाली फुटबल टिमको नेतृत्व गरेदेखि फुटबलमा एक किसिमको सुगन्ध आउन थालेको नकार्न सकिँदैन । गएको चैत १८ गते बसेको अखिल नेपाल फुटबल सङ्घ एन्फा प्राविधिक कमिटीको प्रस्तावअनुसार एन्फा सचिवालयले अलमुताइरीलाई प्रशिक्षकको जिम्मेवारी दिएको थियो ।

उनले जिम्मेवारी समाले पछि नेपाली फुटबलमा सुगन्ध आउन सुरु भएको आम फुटबल प्रेमीहरूको बुझाई छ ।

इतिहासमै पहिलो पटक साफ चेम्पेनसिपको फाइनल सम्म यात्रा अलमुताइरीकै नेतृत्वमा नेपाल पुग्नुले पनि नेपाली फुटबलको स्तर माथि आउनुमा प्रशिक्षक अलमुताइरीको हात रहेको जनकारहरू बताउने गर्दछन् ।