भिम रावल र घनश्याम एमाले अध्यक्षको दौडमा, ओलीलाई सर्वसम्मत बन्न नदिने !

लामो समयको किचलो झेलेको एमाले अहिले लयमा देखिन थालेको छ । विधान महाधिवेशन सम्पन्न गरे सँगै आगामी मंङसिरमा हुन लागेको पार्टीको महाधिवेशनमा एमाले पार्टी र पार्टीका नेताहरु केन्द्रित हुन थालेका छन् ।

विधान महाधिवेशन बाट आगामी एक कार्यकाल बर्तमान पार्टी अध्यक्ष केपी ओली नै दोहोरिने इच्छा अनुरूप ओली सर्वसम्मत उम्मेदवारको चर्चा चलेका बेला पार्टी उपाध्यक्ष भिम रावल र उपमहासचिव घनश्याम भुसालले अध्यक्षको लाइनमा रहेको सङ्केत गरेका छन् ।

नवौँ महाधिवेशन बाट कडा प्रतिस्पर्धाका विच एमालेको अध्यक्ष बनेका केपी ओली दशौँ महाधिवेशनमा पनि एक कार्यकाल थप अध्यक्ष बन्ने गरी अघि बढेका छन् ।

ओलीलाई चुनौती नै दिने गरी बलियो प्रतिस्पर्धी देखिन भने सकेका छैनन् । तर रावल र भुसालले त्यसै ओलीलाई नछोड्ने रणनीति अपनाएको  स्रोत बताउँछ ।
उपाध्यक्ष भीम रावल र पार्टी उपमहासचिव घनश्याम भुसालबिच पार्टी अध्यक्ष बन्नका लागि दौडमा सहभागी भएको एक जानकार बताउँछन् ।

भुसालले ‘जसको नीति उसकै नेतृत्व’को सिद्धान्त अनुसार मङ्सिरमा हुन लागेको दसौँ महाधिवेशनमा अध्यक्षका लागि प्रतिस्पर्धा गर्ने सङ्केत गरेका छन् भने रावल त यसअघि नै अध्यक्षमा उठ्न सक्ने भन्दै सार्वजनिक रूपमै सिग्नल दिइसकेका छन् ।

यसरी हेर्दा ओलीका अगाडि दुवै उम्मेदवार फिक्का भए पनि रावल र भुसालले ओलीलाई सर्वसम्मत अध्यक्ष बन्न नदिने दाउमा रहेको स्रोत बताउँछ ।