मंगलबार, मंसिर १४ २०७८
ताजा अपडेट

बालुवाटारको गोप्य भिडियो भाइरल भएपछि देउवालाई तनाव (भिडियोसहित)


  • KTM Khabar
  • आइतबार, असोज ३१ २०७८
2.5K
SHARES

फाइल तस्विर

काठमाडौँ – प्रधानमन्त्री निवास वालुवाटारमा दशैंको टीका थापेर दाम राख्दै गरेको भिडियो भाइरल भएपछि प्रधानमन्त्री शेरबहादुर देउवालाई तनाव भएको छ ।

कांग्रेस सभापतिसमेत रहेका प्रधानमन्त्री देउवाले दशैंको क्रममा कार्यकर्ताहरुलाई पनि टीका लगाइदिएका थिए । सोही टिका लगाउने क्रममा एक जनाले दाम चढाएका थिए ।

त्यही भिडियो अहिले टिकटकमा भाइरल भएको छ ।

दशैंको टीका थाप्न आएका एक कार्यकर्ताले प्रधानमन्त्री देउवाबाट टीका ग्रहणपछि दाम राखेर खुट्टा ढोगेको भिडियो सामाजिक सञ्जालमा भाइरल बनेको छ ।

सामाजिक सञ्जालमा यो भिडियोले निकै चर्चा मात्र पाएको छैन, प्रधानमन्त्रीको कडा आलोचना समेत भएको छ ।

सामाजिक सञ्जालमा यो भिडियो शेयर गर्दै यसरी खुट्टामा दाम राखेर ढोगेको दृश्यले राजा र रैती भन्ने पुरानै संस्कार÷प्रवृत्ति दोहोरिएन ? भन्दै चर्को आलोचना भएको हो ।

यो घटनाले राजाकै शैलीमा उच्च ओहदाका ब्यक्तिले दशैमा टीका लगाइदिने क्रमको समेत आलोचना भएको छ । गणतन्त्रभन्दा पहिला राजाहरुलाई यसैगरी लाइन लागेर भेटि चढाउने चलन थियो ।

राजनीतिका उच्च नेतृत्वले समेत राजालाई भेटि चढाएर टिका लगाउने चलन थियो । त्यही क्रममा प्रधानमन्त्री शेरबहादुर देउवाले समेत पूर्वराजा विरेन्द्र शाह र ज्ञानेन्द्र शाहलाई भेटि चढाएर टिका लगाएका थिए ।

एमाले अध्यक्ष केपी शर्मा ओली, एकीकृत समाजवादी पार्टीका अध्यक्ष माधवकुमार नेपाल, राप्रपाका अध्यक्ष पशुपति शम्शेर जबरा लगायतका नेताहरु पनि लाइन लागेर टिका लगाउन दरवार पुग्ने गर्दथे ।


खुशी मिडिया प्रा.ली. द्धारा सञ्चालित KTMKHABAR लाई नेपाली र अंग्रेजी संस्करणबाट पढ्न, हेर्न र सुन्न सक्नुहुनेछ । एप्सबाट सिधा समाचार पढ्न एन्ड्रोइडका लागि यहाँ र आइफोनका लागि यहाँ क्लिक गर्नुहोस् । फेसबुक, युटुब र ट्वीटरमा पनि हामिसंग जोडिन सक्नुहुनेछ ।


प्रतिक्रिया
सम्बन्धित समाचार

यो साता चर्चामा