मंगलबार, मंसिर १४ २०७८
ताजा अपडेट

आफ्नो निर्वाचन क्षेत्रमा गएका बेला २५ बर्षिय युवाले गरे चर्चित सांसदको चक्कु प्रहार गरी हत्या


  • KTM Khabar
  • शनिबार, असोज ३० २०७८
2.1K
SHARES

काठमाडौँ – आफ्नो निर्वाचन क्षेत्रमा गएका बेला २५ बर्षिय युवाले चर्चित सांसदको ज्यान लिएका छन् । यो बेलायतको खवर हो ।

आफ्नो निर्वाचन क्षेत्र एसेक्समा गएका बेला कन्जरभेटिभ सांसद सद डेविड एमेसमाथि चक्कु आक्रमण भएको हो।

एक भन्दा बढीपटक भएको चक्कु प्रहारबाट ६९ वर्षका एमेसको निधन भएको बेलायती सञ्चारमाध्यमले जनाएका छन् ।

ली अन सी स्थित चर्चमा उनीमाथि चक्कु आक्रमण भएको हो । हत्या अभियोगमा २५ वर्षका व्यक्तिलाई पक्राउ गरिएको बिबिसीले जनाएको छ ।

प्रहरीले आक्रमणमा प्रयोग भएको चक्कु बरामद गरेका छन् । घटनामा संलग्न भएको आशंका पक्राउ परेका युवा बाहेक अरुमा नरहेको प्रहरीको भनाई छ ।

प्रतिआतंकवाद समूहले अनुसन्धानको नेतृत्व गर्ने छ । शुक्रबार भएको घटनापछि प्रधानमन्त्री बोरिस जोन्सनले आफू दुःखमा रहेको उल्लेख गरेका छन्।

गृहमन्त्री प्रिती पटेलले प्रहरीलाई सबै सांसदहरुको सुरक्षा व्यवस्थाबारे तत्काल मूल्यांकन गर्न आदेश दिएकी छन् ।

सर डेविड सन् १९८३ देखि सांसद रहँदै आएका थिए । उनका श्रीमती र पाँच सन्तान छन् ।

पछिल्लो पाँच वर्षमा बेलायतमा दुई सांसदको हत्या भएको छ । सन् २०१६ मा लेबर पार्टीका सांसद जो कक्सको हत्या भएको थियो ।


खुशी मिडिया प्रा.ली. द्धारा सञ्चालित KTMKHABAR लाई नेपाली र अंग्रेजी संस्करणबाट पढ्न, हेर्न र सुन्न सक्नुहुनेछ । एप्सबाट सिधा समाचार पढ्न एन्ड्रोइडका लागि यहाँ र आइफोनका लागि यहाँ क्लिक गर्नुहोस् । फेसबुक, युटुब र ट्वीटरमा पनि हामिसंग जोडिन सक्नुहुनेछ ।


प्रतिक्रिया
सम्बन्धित समाचार

यो साता चर्चामा