आइतबार, असोज ३१ २०७८
ताजा अपडेट

हामी चीनसँग झुक्दैनौं : ताइवानी राष्ट्रपति


  • KTM Khabar
  • आइतबार, असोज २४ २०७८
608
SHARES

फाइल तस्विर

ताइवानी राष्ट्रपति साइ यिङ वेनले आफूहरु चीनसँग नझुक्ने बताएकी छन्।

ताइवानको राष्ट्रिय दिवसका अवसरमा आयोजित एक सभालाई सम्बोधन गर्ने क्रममा वेनले चीनसँग ताइवान नझुक्ने प्रस्ट पारेकी हुन् ।

ताइवानीहरु दबाबसामु झुक्ने कुनै भ्रम नराख्दा हुन्छु, वेनले राष्ट्रिय दिवसका अवसरमा चीनप्रति लक्षित गर्दै भनिन्।

चिनियाँ राष्ट्रपति सी जिङफिङले ताइवानसँग शान्तिपूर्ण पुनर्एकीकरण गर्ने भनेको भोलिपल्ट वेनले ताइवानीहरु चीनसामु नझुक्ने बताएकी छन् । उनले ताइवानको लोकतान्त्रिक जीवनशैलीको रक्षार्थ सैन्य क्षमता थप मजबुत पार्ने पनि बताइन् ।

चिनियाँ योजनाअनुसार हिंड्नका लागि कसैले आफूहरूलाई दबाब दिन नसकोस् भनेर राष्ट्रिय सुरक्षा मजबुत बनाइने उनको भनाइ थियो ।

चीनले अघि सारेको मार्गले न हामीलाई स्वतन्त्र तथा लोकतान्त्रिक जीवनशैली प्रदान गर्छ न दुई करोड ३० लाख ताइवानीलाई सार्वभौम बनाउँछु, वेनले भनिन् ।

चीनले पछिल्लोपटक ताइवानमाथि सैन्य दबाब दिँदै आएको छ । शनिबार चिनियाँ राष्ट्रपति सीले ताइवानसँग शान्तिपूर्ण पुनर्एकीकरण गर्ने बाचा गरेका थिए ।

ताइवानसँग कुनै पनि हालतमा एकीकरण गर्ने संकल्प गर्दै आएका सीको पछिल्लो अभिव्यक्ति भने केही नरम थियो । तर उनले ुमातृभूमि र इतिहास भुलेर मुलुक टुक्र्याउनेको भलो नहुनेु पनि बताएका थिए ।


खुशी मिडिया प्रा.ली. द्धारा सञ्चालित KTMKHABAR लाई नेपाली र अंग्रेजी संस्करणबाट पढ्न, हेर्न र सुन्न सक्नुहुनेछ । एप्सबाट सिधा समाचार पढ्न एन्ड्रोइडका लागि यहाँ र आइफोनका लागि यहाँ क्लिक गर्नुहोस् । फेसबुक, युटुब र ट्वीटरमा पनि हामिसंग जोडिन सक्नुहुनेछ ।


प्रतिक्रिया
सम्बन्धित समाचार

यो साता चर्चामा