प्रधानन्यायाधीशका जेठानले पड्काए आपूर्तिमन्त्री, प्रधानमन्त्री बनाए बापत देउवाको मन्त्री उपहार !

प्रधानन्यायाधीशले सरकारमा कोटा मागेको आशंकालाई गजेन्द्र हमालको नियुक्तिले सही सावित गरिदिएको छ । गैरसांसद हमाल प्रधानन्यायाधीशका जेठान नाता पर्छन् । उनी नेपाली काँग्रेस बाँकेका नेता हुन् । देउवा पत्नी आरजुसँग पनि हमालको पारिवारिक नाता रहेको छ ।

प्रधानन्यायाधीश चोलेन्द्र शमशेर जबराका आफन्त हमाल मन्त्री बन्नु अनौठो नभएको र शेरबहादुर देउवालाई प्रधानमन्त्री बताएबापत
प्रधानन्यायाधीश लाई देउवाले उपहार दिएको समेत बजार हल्ला छ । ।

प्रधानमन्त्री शेरबहादुर देउवाले हमाललाई उद्योग, वाणिज्य तथा आपूर्तिमन्त्री बनाउने निर्णय गरेका हुन् । हमाललाई मन्त्री बनाउने निर्णय भएको प्रधानमन्त्री देउवाको सचिवालयले पुष्टि गरेको छ ।

यसअघि प्रधानन्यायाधीशले मन्त्रीमा कोटा मागेको भन्दै हमालको नाम चर्चामा आएपछि बार र बेन्चबीच यस विषयमा तनाव समेत भएको थियो ।

सर्वोच्च अदालतले मन्त्रीमा कोटा नमागेको भन्दै विज्ञप्ति समेत जारी गरेको थियो भने प्रधानन्यायाधीश जबराले हमाल काँग्रेसको नेता भएको हुनाले उनी मन्त्री हुनुमा आफ्नो हात नरहने धारणा सर्वोच्च बारसँगको बैठकमा बताएका थिए ।