एकाएक मोहन वैद्य राजावादी निस्किए, नयाँ ढङ्ग बाट आए राज फर्किन सक्ने अभिव्यक्ति !

गणतन्त्रका व्याख्याता प्रचण्डका समेत गुरु भनेर चिनिने नेपालको माओवादी आन्दोलनका एक वरिष्ठ नेता मोहन वैद्य एकाएक राजाको ब्याख्या गर्न थालेका छन् । उनले नयाँ ढङ्गबाट आए राजा फर्कन सक्ने बताएका छन् ।

एक टीभी सँगको अन्तर्वार्तामा नेता वैद्यले पूर्व राजा ज्ञानेन्द्रले नयाँ ढंगले सोचे भने राजतन्त्र फर्किन सक्ने समेत बताएका छन् ।

देशको राष्ट्रियता र स्वाधीनता खतरामा परेको भन्दै नेता मोहन वैद्यले नयाँ तरिकाबाट नयाँ सोचका साथ आए राजा फर्किन सक्ने बताएका हुन ।

अहिले राजा छैन, एउटा शक्ति चाँहि छ । तर त्यो शक्ति नयाँ सोचका साथ नया तरिकाबाट आएमा सहकार्य गर्ने इच्छा मोहन बैद्यले देखाएका हुन ।

कम्बोडियामा पनि नरोद्दम सिंहानुकले कम्युनिष्टहरुसंग मिलेर ल्याएको उनले उदाहरण दिएका थिए । नेपालमा पनि ज्ञानेन्द्रले त्यसरी आएमा पुरानै पूर्वाग्रहमा नबस्ने उनको बिचार थियो ।

वैद्यले ज्ञानेन्द्र मात्रै सामन्तवाद नभएको समेत बताए । सामन्त त अरु पनि रहेको उनको तर्क छ । विगतमा सामन्तवादसंग प्रमुख अन्तरविरोध रहेको भन्दै माओवादीले जनयुद्ध शुरु गरेको थियो । वैद्यले भने राजतन्त्र मात्रै सामन्तवादको प्रतिक नभएको नयाँ तर्क अघि सारेका हुन ।

नयाँ परिस्थिथि अनुसार जानुपर्यो । देशको रक्षा संसदवादीबाट सम्भव छैन । साँच्चिकै देशको रक्षा गर्ने हो भने देशभक्त र कम्युनिष्टहरु एक भएर जाउँ भन्ने हो भने त्यसपछि सोच्न सिकिने उनको धारण थियो ।

राष्ट्रिय स्वाधीनताको निम्ति नयाँ ढंगले राजासँग मिलेर जानुको विकल्प छैन : मोहन बैध्य pic.twitter.com/n57zQ1DPyA

— Arun Luitel (@ArunLuitel7) October 1, 2021