ओलीको कुम्भमेला नक्कली राष्ट्रवाद पपुलिज्म र व्यक्ति पूजाको ककटेल मात्र हो : बाबुराम

जनता समाजवादी पार्टी जसपा नेपालका सङ्घीय परिषद् अध्यक्ष डा बाबुराम भट्टराईले ओलीको कुम्भमेला नक्कली राष्ट्रवाद पपुलिज्म र व्यक्ति पूजाको ककटेल भएको टिप्पणी गरेका छन् । लुटको धन फुपूको श्राद्ध गरेर जनतालाई एमाले अध्यक्ष केपी ओलीले झुटको खेती गर्न लागेको भट्टराई को आरोप छ ।

सामाजिक संजालमा टिप्पणी गर्दै पूर्व प्रधानमन्त्री समेत रहेका भट्टराईले  ओलीले जनता झुक्काउन लागेको सङ्केत गरेका छन् । भट्टराईले नक्कली राष्ट्रवाद, नृजातीय अहङ्कारवाद, पपुलिज्म र व्यक्ति पूजाको ककटेलले अन्त स्टालिन, हिटलर र फासीवाद जन्माउने भएकोले सबैलाई चेतना भया भनेर ट्विट गरेका छन् ।

भट्टराई लेख्छन्, ‘खड्गप्रसादको कुम्भमेला निभ्ने बेलाको बत्ती हो । लूटको धन फुपूको श्राद्ध गरेर सोझा जनतालाई केही समय भ्रममा पार्न सकिएला तर अन्तमा देशले ठुलो मूल्य चुकाउनुपर्नेछ । नक्कली राष्ट्रवाद, नृजातीय अहङ्कारवाद, पपुलिज्म र व्यक्ति पूजाको ककटेलले अन्तः स्टालिन, हिट लर र फाँसीवाद जन्माउने हो । चेतना भया १’

खड्गप्रसादको कुम्भमेला निभ्ने बेलाको बत्ती हो। लूटको धन फुपूको श्राद्ध गरेर सोझा जनतालाई केही समय भ्रममा पार्न सकिएला तर अन्तमा देशले ठुलो मूल्य चुकाउनुपर्नेछ।नक्कली राष्ट्रवाद,नृजातीय अहंकारवाद,पपुलिज्म र व्यक्तिपूजाको ककटेलले अन्त: स्टालिन,हिटलर र फासीवाद जन्माउने हो।चेतना भया! pic.twitter.com/B8SzzMuaIK

— Baburam Bhattarai (@brb1954) October 2, 2021