विधान महाधिवेशन: ओलीलाई देवत्वकरण गरे जस्तो झलक, नीतिमुखी हैन नेतामुखी देखियो !

एमालेको विधान महाधिवेशन हुँदै छ । एमालेले यो विधान महाधिवेशनलाई नेतामुखी नभएर नीतिमुखी हुने स्पष्टै बताएको छ । तर महाधिवेशनको झलक पुराका पुरा पार्टी अध्यक्ष केपी ओलीलाई देवत्व करण गरे जस्तो देखिन्छ । नीतिमुखी नभएर नेतामुखी नभएको आरोप आम जनताले विभिन्न सामाजिक सञ्जालमा पोखेका छन्  ।

आगामी मङ्सिर मा हुने दसौँ महाधिवेशनले नेतृत्व चयन गर्ने भनिए पनि यो महाधिवेशन नीति निर्माणमै केन्द्रित हुने नेताहरूले बताएका छन् । नीति निर्माणमा तड्क भडक नगर्ने भनिएको महाधिवेशन ओली मय बनेको छ । एकातिर एमालेको जग हाल्दा देखिका नेताहरू पार्टी अलग भएर हिँडेका छन् । माधव नेपाल,झालनाथ खनाल, बामदेव गौतम लगायत नेता एमालेको अधिवेशनमा छैनन् ।

महाधिवेशन स्थलमा ओलीलाई देवत्व करण गरेकै शैलीमा स्ट्याचु निर्माण गरिएको छ । सो केपी ओलीको स्ट्याचुमा सेल्फि खिच्नेको भिड छ । यति सम्म मात्र हैन पार्टी अध्यक्ष ओलीलाइ महाधिवेशन स्थल सम्म  कार्यकर्ताले  स्कर्टीङ गरेर लैजाने कार्यक्रम छ । पोल पोलमा ओलीका चित्र टाँगिएको छ । विधान महाधिवेशन नीति मय होला नहोला तर ओलीमय देखिएको छ ।

आम सर्वसाधारणले सामाजिक सञ्जालमा ओलीको नीतिमुखी अधिवेशन नभएर आफै सर्वै सर्बा हुन लागेको बिरोधका आवाजहरू आउन सुरु भएका छन् ।