असफलतामा रोज्ने बाटो आत्महत्या हो, प्रचण्डको भाषण निराशा र कुण्ठाको स्वभाविक अभिव्यक्ति: थापा

पुर्ब प्रधानमन्त्री केपी ओलीका प्रेस सल्लाहाकार एमाले नेता सूर्य थापाले प्रचण्डमाथि युवाहरुलाई आत्महत्या गर्न सार्वजनिक रुपमा दुरुत्साहन आरोप लगाउदै कुण्ठा ब्यक्त गरेको आरोप लगाएका छन् ।

हिजो विहीवार अखिल क्रान्तिकारीको सम्मेलनलाई सम्बोधन गर्दै आफूले भगत सिंहका सहयात्री चन्द्रशेखरले जस्तै आत्महत्या गर्न खोजेको प्रचण्डले अभिब्यक्ति दिएका थिए ।

सुर्य थापाले प्रचण्डको भाषणप्रति टिप्पणी गर्दै त्यसलाई निराशा र कुण्ठाको अभिव्यक्ति भनेका छन् ।

थापाले भने, ‘हिटलरले पनि आखिरीमा आत्महत्या नै गरेको थियो । हारेको जुवाडे, चरम महत्वाकांक्षी, युद्धबन्दी र रक्तपिपासुले असफलतामा रोज्ने बाटो अन्ततः आत्महत्या बाहेक अर्को हुन सक्दैन ।’