काँग्रेसको महिला सङ्घकी जिल्ला सभापतिको आफ्नै वडामा राम धुलाई, मत सङ्ख्या ८ !

नेपाली काँग्रेसको भ्रातृ संस्था नेपाल महिला सङ्घ सिन्धुपाल्चोक जिल्ला सभापति गीता नेपाल ढुंगाना आफ्नै वडामा आफ्नै कार्यकर्ताले हराएका छन् ।  सिन्धुपाल्चोकमा केन्द्रीय नेताहरुनै वडामै हारेका समाचार बाहिरिएका छन् ।

जिल्लाकै नेतृत्व गर्ने हरुनै लज्जाजनक हार बेहोर्नुले नेताहरूको कार्यकर्तामा भएको पक्कड राम्रै सँग चित्रण भएको देख्न सकिन्छ ।

सिन्धुपाल्चोकको बलेफी गाउँपालिकामा मङ्गलवार सम्पन्न नेपाली काँग्रेसको वडा अधिवेशनमा सभापति  गीता नेपाल ढुंगानाले जम्मा ८ मत मात्र पाएकी छन् ।

उनलाई आन्तरिक पार्टीको चुनावमा जित्ने अर्की नेत्री उनको तुलनामा सामान्य नेत्री मात्र हुन । उनले ८२ मत प्राप्त  गरेकी छन् ।

मतको अन्तरका हिसाबले   जिल्लाकै नेतृत्व गर्ने मान्छेको ८ मत त्यो पनि आफ्नै वडामा आउनु हास्यास्पद देखिने कार्यकर्ताहरूको बुझाई छ ।