अन्य समय कानमा तेल हालेर बस्ने सरकार दसैँ लाग्न थालेपछि निस्कियो बजार अनुगमनमा !

अन्य समय सर्वसाधारणले उपभोग गर्ने सामानको मूल्य  मनलाग्दी व्यापारीले बढाउँदा पनि कानमा तेल हाले जसरी सुनेको नसुनै गर्ने सरकार र सरकारी निकायले काठमाडौँ उपत्यकामा चाडपर्व लक्षित बजार अनुगमन सुरु गरेको छ । जिल्ला प्रशासन कार्यालयको संयोजनमा सबै नियमनकारी निकायका अधिकारी सम्मिलित टोलीले अनुगमन सुरु गरेको जनाएका छन् ।

वाणिज्य आपूर्ति तथा उपभोक्ता संरक्षण विभागले चाडपर्वलाई लक्षित गरेर आजबाट बजार अनुगमन सुरु गरेको बताएको छ ।

अनुगमन टोलीमा जिल्ला प्रशासन कार्यालय, वाणिज्य विभाग, खाद्य गुणस्तर विभाग, औषधि विभागलगायतका प्रतिनिधिहरु छन् । सो टोलीले खाद्यान्न, मासु, तरकारी, औषधि लगायत विभिन्न बजार र पसलहरुको अनुमगन गर्ने छ । अनुगमनको क्रममा कैफियत भेटिए कानुन बमोजिम कारबाही हुने बताइएको छ।

काठमाडौं उपत्यकासहित सबै जिल्लाहरुमा पनि केन्द्रबाट अनुगमन टोली खटाउने योजना वाणिज्य आपूर्ति तथा उपभोक्ता संरक्षण विभागले बनाएको छ ।