हितेन्द्रदेव शाक्यलाई अदालतले गरिदियो बाई-बाई कुलमानलाई काम गर्ने बाटो खुल्यो !

आफूलाई हटाउने निर्णय गैर कानुनी भएको दाबी गर्दै  हितेन्द्रदेव शाक्य ३२ साउनमा सर्वोच्च गएका थिए तर  हितेन्द्रदेव लाई अदालतलेनै  बाई बाई गरिदिएको छ ।  बाई बाई गरिदिए सँगै कुलमानलाई काम गर्ने बाटो खुल्ला भएको छ ।

प्रधानन्यायाधीश चोलेन्द्रशम्शेर जबरा नेतृत्वको एकल इजलासले अन्तरिम आदेश दिन अस्वीकार गरेको छ ।

८ भदौमा मिसिल झिकाउने आदेश दिएका उनले मंगलबार कारण देखाउ र अन्तरिम आदेश जारी नहुने आदेश सुनाएका हुन् । यससँगै यो मुद्दाको टुंगो नलागेसम्म कार्यकारी निर्देशक कुलमानलाई काम गर्ने बाटो खुलेको छ ।

सरकारले २७ साउनमा हितेन्द्रदेव शाक्यलाई हटाएर कुलमानलाई विद्युत प्राधिकरणको कार्यकारी निर्देशक नियुक्त गरेको थियो । शाक्यलाई भने उर्जा आयोगको सचिव सरहको पूर्ण सदस्य नियुक्त गर्ने निर्णय भएको थियो ।