यो संविधान स्वीकार्य छैन, जनमत सङ्ग्रह द्वारा नया संविधान बनाउनु पर्छ : विप्लव

नेपाल कम्युनिस्ट पार्टीका महासचिव नेत्र विक्रम चन्द विप्लवले वर्तमान संविधानले नेपाली जनताको भावना बोक्न नसकेको बताउँदै जनमत सङ्ग्रहबाट नया संविधान बनाउनु पर्ने अहिलेको अबस्यकता भएको बताएका छन् ।

महासचिव विप्लवले बहुसङ्ख्यक जनताको अधिकार र हित सुनिश्चित गर्न वर्तमान संविधानको विकल्प खोज्नु पर्ने बताएका हुन ।

सबै नेपाली जनसमुदाएको सहभागितामा जनमतसङ्ग्रह गरेर नयाँ जनसंविधान निर्माण गर्नु पर्नेमा जोड दिएका छन् ।

महासचिव विप्लवले प्रेस विज्ञप्ति जारी गर्दै अहिलेको संविधानसँग असहमत र अग्रगामी परिवर्तनका लागि विभिन्न उत्पीडित समुदाय द्वारा सञ्चालित आन्दोलनहरु प्रति समर्थन रहेको बताएका छन्।

महासचिव विप्लवले नेपाली जनताको आकाङ्क्षा र वास्तविक अधिकारलाई सम्बोधन गर्न असफल नेपालको वर्तमान संविधान जनता र राष्ट्रको संविधान हुुन नसक्ने भन्दै राजनैतिक प्रक्रियामा अघि बढ्न सम्पूर्ण राजनीतिक शक्ति बौद्धिक नागरिक समुदाय र आम जनसमुदायमा हार्दिक अपिलसमेत गरेका छन् ।