प्रचण्ड पापी अनुशासन हीन नेता हुन : टोपबहादुर

पूर्व माओवादी तथा वर्तमान नेकपा एमालेका नेता टोपबहादुर रायमाझी विगतका आफ्नै पार्टीका नेता एवं नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’लाई पापीको भन्दै अनुशासनहीन नेता भएको टिप्पणी गरेका छन् ।

प्रचण्ड अनुशासन हीन नेता भएको टिप्पणी गर्दै तत्कालीन प्रतिपक्षी दल नेपाली काँग्रेस सभापति शेरबहादुर देउवाको पुच्छर भएर हिँडेको उनको आरोप छ ।

देशको राजनीतिक स्थिरताका लागि केपी शर्मा ओली नै ५ वर्षका प्रधानमन्त्री हुनुपर्छ भनेर प्रस्ताव राख्ने अनि पछि केपी शर्मा ओली त कामै नलाग्ने, काम गर्न नसक्ने भनेर अनावश्यक आरोप प्रत्यारोप लगाउने गरियो ।

यो के सही हो ? के स्वास्र्थले ५ वर्षका लागि प्रधानमन्त्री भनियो ? के कारण स्थिरता भनियो ?,’ उनले भने, ‘पापी मनले उहाँलाई त्यस्तो गरिएको थियो । त्यसपछि उहाँलाई फेरि अपदस्थ गर्न खोजियो ।

नेता रायमाझीले तत्कालीन प्रधानमन्त्री केपी शर्मा ओलीले संसद विघटन गरेर ताजा जनादेशमा जानु उत्तम भएको पनि बताएका छन् । तर, प्रचण्ड प्रधानमन्त्री र पार्टी अध्यक्ष बन्न नसकेपछि संसद विघटन असफल भएको उनले बताए ।

उनले भने, ‘नयाँ ताजा जनादेशमा जानु उत्तम थियो, लोकतन्त्र थियो, जनताले फेरि जनादेश दिने अवस्था आउँथ्यो तर, पुच्छर बनेर हिँडेपछि काम गर्न दिइएन ।

संसद विघटन गर्दा अलोकतान्त्रिक भनियो । त्यसैले संसद विघटन गरेर चुनावमा जानु लोकतान्त्रिक र संसदको नयाँ अभ्यास हुने थियो । तर, आफू प्रधानमन्त्री र पार्टी अध्यक्ष पनि नबन्ने र संसद विघटन गर्न नदिने ।’