शुक्रबार, असोज ८ २०७८
ताजा अपडेट

सभामुखले बोलाएको सर्वदलीय बैठक एमालेले किन गर्‍यो बहिष्कार ?


  • KTM Khabar
  • सोमबार, भाद्र २८ २०७८
2K
SHARES

फाईल तस्बिर

काठमाडौं – प्रमुख प्रतिपक्षी नेकपा एमालेले सभामुख अग्निप्रसाद सापकोटाले बोलाएको सर्वदलीय बैठक बहिस्कार गर्ने भएको छ । आज दिउँसो नयाँ बानेश्वरस्थित संघीय संसद भवनमा बोलाएको सर्वदलीय बैठकलाई एमालेले बहिस्कार गर्ने भएको हो ।

सिंहदरवारमा उपस्थित भएर सभामुखलाई बैठकमा सहभागी नहुने जानकारी गराउन एमाले प्रमुख सचेतक विशाल भट्टराईले समय माग गरे पनि सापकोटाले सिंहदवार नआउने भनेपछि टेलिफोनबाटै बैठकमा आउन नसक्ने जानकारी गराइएको हो ।

‘सिंहदवारमा भेटेर बैठकमा आउन नसक्ने जानकारी गराउने भन्ने थियो । तर सभामुखले सिंहदरवारमा नआउने भनेपछि टेलिफोनबाटै बैठकमा उपस्थित नहुने जानकारी गराइएको छ,’ अध्यक्ष ओलीनिकट एक नेताले भने ।

ती नेताकाअनुसार सर्वदलीय बैठकमा दलको नेताका हैसियतमा पूर्वएमाले वरिष्ठ नेता माधव नेपाल समूहलाई बोलाइएको भन्दै एमालेले आपत्ति जनाएको हो ।

माधव नेपालसहित कारवाही गरिसकेका १४ जनाले संसदमा वैधानिकता नपाउने जिकिर गर्दै आएको एमालेले उनीहरुलाई उपस्थित गराएको भनेर संसदसमेत अवरुद्ध गर्दै आएको छ ।


खुशी मिडिया प्रा.ली. द्धारा सञ्चालित KTMKHABAR लाई नेपाली र अंग्रेजी संस्करणबाट पढ्न, हेर्न र सुन्न सक्नुहुनेछ । एप्सबाट सिधा समाचार पढ्न एन्ड्रोइडका लागि यहाँ र आइफोनका लागि यहाँ क्लिक गर्नुहोस् । फेसबुक, युटुब र ट्वीटरमा पनि हामिसंग जोडिन सक्नुहुनेछ ।


प्रतिक्रिया
सम्बन्धित समाचार

यो साता चर्चामा