जबरजस्ती एमसीसी पास गर्न खोजे सरकार ढाल्दिने माधव नेपालको चेतावनी !

नेकपा एकीकृत समाजवादीका अध्यक्ष माधव कुमार नेपालले  एमसीसी जबरजस्ती पास गर्न खोजे सरकारबाट बाहिरिने चेतावनी दिएका छन् । कुर्सीका लागि आफू सत्तामा नगएको बताउँदै नेपालले राष्ट्रको हित विपरीत कुनै पनि सम्झौतामा आफूहरूको सहमति नहुने उनले बताएका छन् ।

युवा सङ्घ नेपाल लुम्बिनी प्रदेश भेलाको उद्घाटन तथा पीपुल्स भोलेन्टीएरको घोषण गर्दै पूर्व प्रधानमन्त्री समेत रहेका नेपालले राष्ट्र हित भन्दा बाहेक कुनै पनि सम्झौता आफूहरूबाट नहुने प्रस्ट पारेका छन् ।

नेपालले भनेका छन् एमसीसी उपाध्यक्षलाई पनि नेपालको स्वाधीनतामा कुनै हस्तक्षेप नगर्ने हो भने मात्रै एमसीसीको विषयमा सोच्न सकिने कुरा बताएको उल्लेख गरेका छन् ।

नेता नेपालले एमसीसी लाई लक्षित गर्दै मुलुकको स्वाधीनतामा प्रश्न उठ्ने कुनै पनि सम्झौता आफ्नू पार्टीलाई स्वीकार्य नहुने र राष्ट्र र मुलुकको हितमा आफू र आफ्नो पार्टी रहेको बताएका छन् ।

नेकपा एमाले लाई केपी ओलीले आफ्नो निजी कम्पनी जसरी चलाएका कारण आफू अलग भएर नयाँ पार्टी खोलेको र नयाँ समाजवादी पार्टीले मुलुकभर तरङ्ग ल्याएको समेत उनले बताएका छन् बताएका छन् ।