फतिमा भेटेपछि माधव नेपाल बने युटर्न

मेलिनियम च्यालेन्ज कर्पाेरेसन (एमसीसी) की उपाध्यक्ष फतिमा सुमारलाई भेटेपछि नेकपा एसका अध्यक्ष माधव कुमार नेपालको बोली फेरिएको छ ।

एमसीसी खारेजीका लागी भन्दै नेकपा एस निकट जनसंगठनहरुले चर्को आन्दोलन गरिहेका छन् तर माधव कुमार नेपालले भने गठबन्धनमा सल्लाह गरेर एमसीसी संसदबाट पास गराउँने बचन दिएका छन् । फतिमा सुमार र सत्तारुढ दल नेकपा (एकीकृत समाजवादी)का अध्यक्ष माधवकुमार नेपालबीच आज बेलुका भेटवार्ता भएको थियो ।

नेपाल निवास कोटेश्वरमा भएको भेटवार्तामा सुमारले एमसीसी अनुमोदन प्रक्रिया बढाउन आग्रह गरेकी थिइन् । जवाफमा नेपालले यसबारे सत्ता गठबन्धनमा छलफल भैरहेको र एमसीसीबारे साझा दृष्टिकोण बनाएर प्रचलित कानूनअघि अघि बढाउन जवाफ दिएका छन् ।

नेपालले भेटमा एमसीसीका कतिपय प्रावधानमा जिज्ञासा राखेको स्रोतले जनाएको छ । उपाध्यक्ष सुमारले बुधबार नै यसबारे जवाफ दिएको र अमेरिका खुला संवादका लागि तयार रहेको बताएकी थिइन् ।

सुमारले आजै दिउँसो एमाले अध्यक्ष केपी शर्मा ओलीलाई पनि भेटेकी थिइन् । ओलीले सत्तारुढ दलले पोजिसन क्लियर गरेपछि मात्र एमालेले दृष्टिकोण बनाउने बताएका थिए । काठमाडौंको चारदिने भ्रमणमा आएकी सुमारले प्रधानमन्त्री र अर्थमन्त्रीसहित सबै दलका नेताहरुलाई भेट्ने कार्यक्रम छ ।