इन्स्टाग्राम चलाउनेलाई झट्का

काठमाडौं – फेसबुकको स्वामित्वमा रहेको सामाजिक सञ्जाल इन्स्टाग्राम चलाउनेलाई झट्का लागेको छ । अबदेखि जन्ममिति नराखेर चलाइएका एकाउण्टहरु बन्द हुने भएका छन् ।

अब प्रयोगकर्ताले अनिवार्य जन्मदिन राख्नु पर्ने भएको छ । प्रतिष्ठित सोसियल एप इन्स्टाले सोमबार एक वक्तव्य जारी गर्दै कम्पनीलाई आफ्नो जन्मदिन पठाउनु पर्ने बताएको हो ।

यदि कसैले यसलाई अनावश्यक मानेर पठाउँदैन भने सेवा लिनबाट पनि वञ्चित हुने कम्पनीले बताएको छ ।

‘यदि तपाईँले हामीलाई जन्मदिन पठाउनु भएको छ भने हामी नोटिफिकेसन पठाउँछौं,’ इन्स्टाले भनेको छ, ‘र, इन्स्टा चलाइराख्न चाहनुहुन्छ भने तपाईँले त्यो सेयर गर्नुपर्नेछ ।’

आफ्नो जन्मदिनबारे झुटो बोल्नेलाई रोक्नका लागि कम्पनीले यो नियम ल्याएको बताएको छ ।

‘कतिपयले हामीलाई गलत मितिमा बर्थ डे भनेको पाइएको छ, त्यसलाई रोक्न र समाधान गर्न हामी नयाँ सिस्टम बनाइरहेका छौं,’ इन्स्टाले भनेको छ ।