हराएको डिभाइसबाट कसरी हटाउने जिमेल एकाउन्ट ?

तपाईँले आफ्नो मोबाइल हराउनु भयो भने तपाईँको इमेल बाट चोरी गर्ने मान्छेले तपाईँको गोप्य कुराहरू थाहा पाउन सक्छ । त्यसैले हराएको मोबाइलमा भएको इमेल लग आउट गरिएन भने ठुलो झन्झटमा परिन सक्छ । त्यसैले लग आउट गर्नलाई निम्न विधि अपनाउन सकिन्छ ।

यसका लागि तपाईले निम्न विधि अबलम्बन गर्नुपर्दछ :

1. कुनै डिभाइसमा ब्राउजर खोलेर आफ्नो जिमेल एकाउन्ट लगइन
2. त्यसपछि त्यहाँ रहेको प्रोफाइल आइकनमा क्लिक गरी Manage your Google account अप्सनमा जानुहोस् ।
3. Security ट्याबमा गएर Manage Devices अप्सनमा क्लिक गर्नुहोस् जुन Your Devices खण्डको पिँधमा हुन्छ ।
4. त्यसपछि तपाईले जुन डिभाइसबाट जिमेल लगआउट गर्न चाहनुभएको हो, अर्थात् जुन डिभाइस हराएको वा चोरी भएको हो
5. उक्त डिभाइसको नामको दायाँ माथिपट्टि रहेको तिनवटा थोप्लाको चिन्हमा क्लिक गर्नुहोस् र त्यसपछि देखा पर्ने SignOut मा क्लि गर्नुहोस् ।
6. त्यसपछि तपाईले साँच्चीकै साइन आउट गर्न चाहुनभएको हो ? भनेर प्रश्न सोधिन्छ । त्यसलाई एकिन गराउनका लागि पुनः Sign Out मा क्लिक गर्नुहोस् ।
7. यति गरिसकेपछि तपाईले तपाईको हराएको डिभाइसबाट आफ्नो गुगल एकाउन्ट साइन आउट गर्न सक्नुहुन्छ ।

तपाईले अफिसमा वा साइबर क्याफे लगायतका ठाउँहरुमा आफ्नो जिमेल खोलेर साइन आउट गर्न बिर्सनुभएको छ भने पनि यो काइदा उपयोगी हुनसक्दछ ।