माधव नेपाल प्रधानमन्त्री बन्न सक्ने, नेकपा एसको संसदीय दलको नेता आजै चुनिने !

बिहान ११ बजे नेकपा (एकीकृत समाजवादी)को संसदीय दलको बैठक बस्दैछ । बानेश्वरस्थित अन्र्तराष्ट्रिय सम्मेलन केन्द्रको ल्होत्से हलमा बस्ने बैठकले पार्टीका अध्यक्ष माधवकुमार नेपाललाई संसदीय दलको नेता चयन गर्ने छ ।

संसदीय दलको नेता भए सँगै माधव नेपाललाई प्रधानमन्त्री बन्ने ढोका खुला हुनेछ । एक माधव पक्षका नेताका अनुसार राजनीति हो जे पनि हुन सक्छ माधव कमरेड नै प्रधानमन्त्री पनि बन्न सक्नु हुन्छ भन्दै प्रधानमन्त्री बन्ने सङ्केत गरेका छन् ।

तर अहिलेकै अबस्थामा माधब नेपाल प्रधानमन्त्री बन्ने अबस्था नरहे पनि सरकारमा सहभागी हुनुपूर्व सो दलले संसदीय दलको नेता चयन गर्न लागेको हो । छिट्टै सरकारमा जाने पार्टीको योजना रहेको केन्द्रीय सदस्य प्रेम आलेले बताएका छन् ।