एमाले विभाजनको पक्षमा लागेकालाई कुनै पनि हालतमा कारबाही गरेरै छाड्ने

नेकपा एमालेको केन्द्रीय कमिटीको बैठक आज बस्दै छ । एमालेबाट फुटेका पूर्व प्रधानमन्त्री माधवकुमार नेपाल नेतृत्वको नेकपा एकीकृत समाजवादीले मान्यता पाएपछि एमाले बैठक बस्न लागेको हो । पुटको पक्षमा लागेका सबैलाई कुनै पनि हालतमा कारबाही गर्ने मनसाय एमालेको रहेको छ ।

पार्टी अध्यक्ष केपी शर्मा ओलीले बैठक आज दिउँसा १२ बजे बोलाएको पार्टी कार्यालय सचिव शेरबहादुर तामाङले जानकारी दिएका छन् ।

बैठक ललितपुरको च्यासलस्थित तुलसीलाल श्रेष्ठ स्मृति प्रतिष्ठानमा बस्ने तय भएको छ ।

१० बुँदे सहमति कार्यान्वयनको अर्काे सहमति भएपछि माधव नेपाल पक्षका दोस्रो तहका नेताहरु एमालेमै फर्केपछि पहिलो पटक केन्द्रीय समिति बैठक बस्दै छ ।