पद नपाएकै झोकमा ओलीको विरोध गरेको पुष्टि, अष्टलक्ष्मी भन्छिन् एमाले छाडेर कतै जान सक्दैनौ

१० बुँदे सहमति कार्यान्वयन हुनुपर्ने वार्तामा सहभागी बागमती प्रदेशकी मुख्यमन्त्री तथा स्थायी कमिटी सदस्य अष्टलक्ष्मी शाक्यले आफूहरू एमाले छाडेर कतै जान नसक्ने बताएकी छन् ।

एमाले अध्यक्ष केपी शर्मा ओलीको निवास बालकोटमा बिहानैदेखि भएको १० बुँदे कार्यान्वयनको निर्णायक छलफल भएको थियो । छलफल पछि उनले एमाले छोडेर कतै जान नसकिने तर्क गरेकी हुन ।

१० बुँदे सहमति कार्यान्वयन हुनुपर्ने अडानमा रहेका नेताहरूले अध्यक्ष ओली र महासचिव ईश्वर पोखरेलबाट ग्यारेन्टी मागेका थिए । नेतृत्वले कार्यान्वयनको प्रतिबद्धता जनाएपछि उनीहरू मंगलबारको बैठकमा सहभागी हुन तयार भएका छन् ।
छलफल चलिरहेका बेला एमाले प्रवक्ता तथा विघटित वार्ता टोलीका सदस्य प्रदीप ज्ञवाली पनि बालकोट पुगेपछि वार्ता सहमतिनजिक पुगेको अनुमान गरिएको थियो ।

वार्तामा सहभागी वागमती प्रदेशकी मुख्यमन्त्री तथा स्थायी कमिटी सदस्य अष्टलक्ष्मी शाक्यले आफूहरू एमाले छाडेर कतै जान नसक्ने बताइन् । उनले १० बुँदे कार्यान्वयनसँगै एमाले सशक्तरूपमा अघि बढ्ने र स्थानीय चुनाव जित्ने गरी पार्टी पंक्ति परिचालित हुने बताइन् ।

बागमती प्रदेशकी मुख्यमन्त्री समेत रहेकी उनले यस्तो तर्क गरे सँगै जनकारहरू पद नपाएकै कारण ओलीको विरोधमा उत्रेका नेताहरूको पद पाए पछि बोली फेरिएको तर्क गरेका थिए ।