पूर्व युवराज पारस शाह र प्रहरी बिच लफडा, मापसे सेवन गरी बिना हेलमेट सवारी चलाएको आरोप

काठमाडौं । बेलाबेला गर्ने उपद्रो र अनौठो गतिविधिका कारण विवादमा आइरहने पूर्वयुवराज पारस शाहले फेरि प्रहरीसँग लफडा गरेका छन् । हेलमेट नलगाइ मोटरसाइकलमा हिँडेका उनलाई नारायणगोपाल चोकमा ट्राफिक प्रहरीले रोकेपछि पारसले यस्तो हर्कत देखाएका हुन्।

सञ्चारकर्मी गणेश बुढाले फेसबुकमा सार्वजनिक गरेको भिडियोमा हेल्मेट लगाउन अनुरोध गर्दा पूर्वयुवराज शाहले उल्टो प्रहरीलाई धम्क्याएका छन् । मापसे गरी बिना हेलमेट माेटरसाइकल चलाएकाे भन्दै प्रहरीले चौकी लैजान खोज्दा पारसले एकहोरो जान्न भनेर प्रतिवाद गरेका छन् ।

समर्थकहरूले नारावाजी गर्दै प्रहरीको साथबाट छुटाएर लगेको भिडियोमा देख्न सकिन्छ ।

महानगरीय ट्राफिक प्रहरी कार्यालय महाराजगञ्जले भने यो त्यस्तो ठूलो घटना नभएको बताएको छ ।