सभापतिमा लड्ने तय गरिसके, म ब्याक हुने अबस्था छैन : निधि

नेपाली कांग्रेस केन्द्रीय कार्यसमितिले १४औं महाधिवेशनको कार्यतालिका पास गरेसँगै सभापति शेरबहादुर देउवा फेरी एक कार्यकाल आफै सभापतिको दाबेदार भएका छन ।

तर उनलाई लामो समयदेखि उनकै टिममा रहेका उपसभापति विमलेन्द्र निधिले चुनौती दिएका छन ।

निधिले प्रष्ट भनेका छन्, ‘१४औं महाधिवेशनमा सभापतिमा लड्छु ।’

निधिका अनुसार आजका मितिसम्म सभापतिका लागि सात जना उम्मेदवार देखिएका छन् । १३औं महाधिवेशनमा प्रतिस्पर्धा गरेका देउवा, रामचन्द्र पौडेल र कृष्ण प्रसाद सिटौला अनि त्यसबेला प्रतिस्पर्धा नगरेका उनीसहित प्रकाशमान सिंह, डा. शेखर कोइराला, डा. शशांक कोइराला । र, उपसभापति निधिका भनाइमा, उनी पछि हट्ने एउटै सम्भावना छ, ‘सर्वसम्मत नेतृत्व चयन ।’

सर्वसम्मत नेतृत्व चयन नभएको अबस्थामा निधि ब्याक हुने अबस्था नरहेको निधिको भनाई छ ।