बुधबार २ हजार ८२८ जनामा कोरोना पुष्टि, ५२ जनाको मृत्यु

बुधबार थप २ हजार ८ सय २८ जनामा कोरोना पुष्टि भएको छ ।

देशभर गरिएको ८ हजार ६ सय ८७ पीसीआर परीक्षणका क्रममा दुई हजार १४ र ४ हजार ३३५ एन्टीजेन परीक्षणका क्रममा ८१४ जनाका कोरोना पुष्टि भएको हो ।

योसंगै नेपालमा कोरोना संक्रमितको संख्या ६ लाख ३७ हजार ४ सय ३३ पुगेको छ । त्यस्तै कोरोनाका कारण थप ५२ जनाको मृत्यु भएको छ ।

नेपालमा कोरोनाबाट अहिलेसम्म ८ हजार ५५८ जनाको मृत्यु भएको स्वास्थ्य तथा जनसंख्या मन्त्रालयले जनाएको छ ।

त्यस्तै पछिल्लो २४ घण्टामा ३ हजार ८२ जना कोरोना संक्रमित निको भएका छन् ।

हालसम्म नेपालमा ५ लाख ४३ हजार ५२१ संक्रमित कोरोनामुक्त भएका छन् ।

नेपालमा ३२ लाख ४० हजार २९९ वटा पीसीआर र १ लाख २३ हजार ३८६ वटा एन्टीजेन परीक्षण गरिएको छ ।