भारतले नेपाल चिकित्सक संघलाई उपहार दिएको एम्बुलेन्स आजदेखि सञ्चालन

भारतीय दूतावासले नेपाल चिकित्सक संघलाई उपहार दिएको एम्बुलेन्स आजदेखि सञ्चालनमा आएको छ ।

भारतीय दुतावासबाट उपहार स्वरुप उपलब्ध गराइएको बा. प्रदेश ०१ २५ च. ३६३५ नम्बरको एम्बुलेन्स २०७८ जेठ ८ गतेदेखि सञ्चालन गर्ने संघको कार्यकारिणी समितिको बैठकको निर्णय अनुसार आज संघका केन्द्रीय अध्यक्ष डा. लोचन कार्कीले उद्घाटन गरेका छन् ।

एम्बुलेन्स सेवा उद्घाटन गर्दै संघले सेवा आवश्यक पर्नेले संघका प्रशासकिय सहायक प्रवेश लामिछानेलाई ९८४००१४३०७ नम्बरमा सम्पर्क गर्न आग्रह गरेको छ ।

संघले एम्बुलेन्सका सवारी चालक सुरज तामाङमार्फत पनि सम्पर्क गर्न सकिने जनाएको छ । तामाङको मोवाइल नम्बर ९७४६२७१४१२ रहेको संघका महासचिव डा बद्री रिजालले जानकारी दिए ।

सुरुवाती चरणमा उक्त एम्बुलेन्स प्रत्येक दिन बिहान ७ बजेदेखि बेलुका ८ बजेसम्म मात्र संचालन गरिने रिजालले बताए ।