संविधान सामुहिक बलात्कारमा परेको कांग्रेस प्रबक्ता विश्वप्रकाशको अरोप

नेपाली कांग्रेसका प्रवक्ता विश्वप्रकाश शर्माले संविधान सामुहिक बलात्कारमा परेको आरोप लगाएका छन्।

शुक्रबार मध्यराति राष्ट्रपति विद्यादेवी भण्डारीले सरकार गठनका लागि नेपाली कांग्रेसका सभापति शेरबहादुर देउवा र एमाले अध्यक्ष केपी शर्मा ओलीको दाबी नपुगेको भन्दै प्रधानमन्त्री नियुक्त गर्न नमिल्ने निर्णय गरेपछि सामाजिक सञ्जालमार्फत प्रवक्ता शर्माले भने, ‘बुझिराख्नु राष्ट्रपति महोदया र कमरेड प्रधानमन्त्रीजी, महाब्याधिका बेला मध्यावधिको रंगीन सपना महंगो पर्नेछ!,’ उनले भने, ‘संविधानको सामुहिक बलात्कारको दुश्परिणाम महंगो पर्नेछ।’

उनले सुरूमा भनेका छन्, ‘अहंकारको वृक्षमा विनाशको फल लाग्छ´, सिंगो महाभारतको संक्षिप्त सार यत्ति हो!’