आज पाचौँ दिनः समस्यामा परेका ४५० भन्दा बढी मजदुरलाई दैनिक खाना खुवाउदै द्धय सुनिल (फोटोफिचर)

काठमाडौँ । क्यान्टिन व्यावसायमा लामो समयदेखि क्रियाशिल द्धय सुनिल शाह र सुनिल महर्जनको संयुक्त अगुवाइमा आज पनि निःशुल्क खाना खुवाइएको छ ।
थापाथली स्थित प्रसुती गृह पछाडीको युएन पार्कमा मजदुर, असहाय तथा सडक व्यक्तिहरुलाई निःशुल्क रुपमा आज पाचौँ दिन पनि बेलुकाको खाना खुवाइएको हो ।

बेलुका ४ः१५ बजेबाट सुरु गरिएको खाना वितरण कार्यक्रममा ४५० भन्दा बढी व्यक्तिलाई खाना, मास्क तथा खानेपानी पनि वितरण गरिएको चानस बहादुर गिरीले केटिएम खबरलाई बताए ।

कोरोना महामारीबाट समस्यामा परेका मजदुर तथा विपन्न परिवारलाई दैनिक रुपमा हामीले निःशुल्क खाना खुवाउदैँ आएका छौँ व्यावसायी सुनिल शाहले केटिएम खबरलाई बताए । यस विषम परिस्थितीमा कोही पनि भोकै बस्नु नपरोस् भन्ने उद्देश्यले आज पनि एक छाक खानाको अलवा जुस, मास्क, खानेपानी समेत वितरण गरिएको उनले बताए । शाह भन्छन्– सेवा नै धर्म हो भन्ने कुरालाई आत्मसाथ गर्दै निःस्वार्थ सेवा गरेका छौँ । यसमा मलाई हौँसला प्रदान गर्नुहुने मेरो बुवा राजेन्द्र शाह, आमा कैलाशो देवी शाह तथा मेरा दाजु–भाईहरुहरु प्रती आभारी छु ।

खाना खुवाउने अभियानका अर्का सदस्य सुनिल महर्जन भन्छन्–दैनिक रुपमा खाना खानेको संख्या बढेको छ । समस्यामा परेकाहरुलाई दैनिक रुपमा एक छाक खाना प्रदान गरेका छौँ । खाना खाए पश्चातको खुशी भावले हामीलाई थप उर्जा थपिएको छ । सामाजिक जिम्मेवारी निर्वाह पुरा गरेको महशुस भएको छ । यस्तै लायन्स क्लब इन्टरनेशनल ए १ अन्तर्गत रहेका केही क्लबहरुले समेत हामीले स्वयसेविकाको भुमिकामा सहयोग गर्नु भएको छ । यसका लागि धन्यवाद दिन्छु ।

आइतबारसम्म बेलुका ४ बजेबाट हरेक दिन खाना खुवाउने कार्यक्रम रहने जनाइएको छ ।