लुम्बिनीका विपक्षी गठबन्धनद्वारा विशेष अधिवेशन माग

लुम्बिनी प्रदेशका विपक्षी दलले विशेष अधिवेशनको माग गरेका छन् ।

कांग्रेस, माओवादी केन्द्र, जनता समाजवादी पार्टीका ४० सांसदले मुख्यमन्त्री शंकर पोखरेलविरुद्ध आजै अविश्वास प्रस्ताव दर्ता गराएका थिए ।

सोही अविश्वास प्रस्तावमाथि छलफल गर्न प्रदेश प्रमुख धर्मनाथ यादवसमक्ष विशेष अधिवेशन आव्हानको माग गरिएको छ ।

विपक्षी गठबन्धनले पोखरेललाई गरिएको मुख्यमन्त्री पुनर्नियुक्ति प्रक्रियासम्वत नरहेको बताउँदै आएका छन् । उनीहरूले माओवादी केन्द्रका संसदीय दलका नेता कुलप्रसाद केसीलाई नयाँ मुख्यमन्त्रीको प्रस्ताव गरेका छन् ।

पोखरेलविरुद्ध यसअघि पनि अविश्वास प्रस्ताव दर्ता दर्ता भएको थियो । तर, राजीनामा दिएर एमालेको एकल बहुमतमा पोखरेलले नयाँ सरकार गठन गरेका थिए ।