सोमबार, माघ २३ २०७९
ताजा अपडेट

भ्यालेन्सियामाथि बार्सिलोनाको जितमा मेस्सीको २ गोल


  • KTM Khabar
  • सोमबार, बैशाख २० २०७८
11.7K
SHARES

फाइल तस्बिर

लियोनल मेस्सी पेनाल्टीमा चुके पनि उनैको २ गोलको सहयोगमा भ्यालेन्सियालाई हराउँदै बार्सिलोनाले शीर्ष स्थाको एट्लेटिको मड्रिडसँगको दूरी छोट्याएको छ ।

बार्सिलोनाले पछि परेको स्थितिबाट पुनरागमन गरेको हो । गाव्रियल पुलिस्टाको हेड गोलमार्फत भ्यालेन्सियाले ५० औं मिनेटमा अग्रता बनाएको थियो । पहिलो हाफ गोलरहित बराबरी रह्यो ।

तर ५७ औं मिनेटमै मेस्सीले बराबरी गोल फर्काए । पेनाल्टीमा असफल भए पनि रिबाउण्डमा उनैले गोल गरेपछि खेल बराबरीमा आएको हो । त्यसपछिको १२ मिनेटभित्र बार्सिलोनाले थप २ गोल गर्‍यो ।

६३ औं मिनेटमा एन्टोइन ग्रिजम्यानले गोल गरे । ६९ औं मिनेटमा मेस्सीलेनै फ्रिकिकमार्फत शानदार गोल गरी ३–१ को अग्रता दिलाए । ८३ औं मिनेटमा भ्यालेन्सियाका कार्लोस सोलरले एक गोल फर्काए पनि पर्याप्त बनेन ।

अर्को साता बार्सिलोनाले लिग लिडर एट्लेटिको मड्रिडलाई नोउ क्याम्पमा आतिथ्य गर्नेछ । यो खेल ला लिगाको उपाधि होडमा निर्णायक बन्न सक्छ । अहिले समान ३४ खेलमा एट्लेटिको ७६ तथा रियल मड्रिड र बार्सिलोनाको समान ७४ अंक छ ।


खुशी मिडिया प्रा.ली. द्धारा सञ्चालित KTMKHABAR लाई नेपाली र अंग्रेजी संस्करणबाट पढ्न, हेर्न र सुन्न सक्नुहुनेछ । एप्सबाट सिधा समाचार पढ्न एन्ड्रोइडका लागि यहाँ र आइफोनका लागि यहाँ क्लिक गर्नुहोस् । फेसबुक, युटुब र ट्वीटरमा पनि हामिसंग जोडिन सक्नुहुनेछ ।


प्रतिक्रिया
सम्बन्धित समाचार

यो साता चर्चामा