सोमबार, माघ २३ २०७९
ताजा अपडेट

झापामा आइतबारदेखि निषेधाज्ञा


  • KTM Khabar
  • शुक्रबार, बैशाख १७ २०७८
11.2K
SHARES

फाईल तस्बिर

झापामा जिल्ला प्रशासन कार्यालयले आइतबारदेखि राति १२ बजेदेखि निषेधाज्ञा लगाएको छ ।

प्रमुख जिल्ला अधिकारी श्रवणकुमार तिमिल्सिनाले शुक्रबार निषेधाज्ञाको आदेश जारी गर्दै वैशाख २६ गते राति १२ बजेसम्म अत्यावश्यक कामबाहेक घरबाहिर निस्कन नपाइने उल्लेख गरेका छन् । त्यस्तै कुनै भेला जुलुस, सभा सम्मेलन गर्न नपाइने, हाट बजार मेला जात्रा महोत्सव, भोज गर्न पनि नपाइने निषेधाज्ञामा उल्लेख गरिएको छ ।

निषेधाज्ञामा सिनेमा हल, पार्टी प्यालेस, स्वीमिङ पुल, मनोरञ्जनस्थल, सैलुन ब्युटी पार्लर, जिमखाना, समूहमा खेलिने खेल, पुस्तकालय, संग्रहालय पनि बन्द हुने भएका छन् ।

यातायातमा जोरविजोर

कोरोना भाइरसको दोस्रो लहरको संक्रमण बढेको भन्दै रोकथामका लागि कोभिड–१९ जिल्ला संकट व्यवस्थापन केन्द्रले एक साताका लागि जोर गते जोर नम्बर प्लेटका र बिजोर गते बिजोर नम्बर प्लेटका गाडी मात्र चल्न पाउने निर्णय गरेको हो ।

एम्बुलेन्स, खानेपानी, स्वास्थ्य, खाद्यान्न, बैंक, वित्तीय संस्था, फोहोरमैला व्यवस्थापन लगायतका अत्यावश्यक सेवामा चाहिँ जोर–विजोर लागू नहुने भनिएको छ । केन्द्रको शुक्रबार बसेको बैठकले सरकारी कार्यालय, बैंक तथा विमालाई पनि आलोपालो प्रणालीमा सञ्चालन गर्न भनेको छ । साथै, सबै प्रकारका सभासम्मेलन, सेमिनार, गोष्ठी, मनोरञ्जन स्थल लगायत बन्द गर्न पनि भनिएको छ ।

नेपाल रेडक्रस सोसाइटी झापा शाखाका सभापति लोकराज ढकालका अनुसार सर्वसाधारणलाई पनि अत्यावश्यकबाहेक हिँडडुल नगर्न आग्रह गर्ने निर्णय भएको छ । काँकरभिट्टा र खजुरगाछीबाहेकका नाकाबाट नागरिकहरुलाई प्रवेश गर्न निषेध गर्ने पनि भनिएको छ ।

कसैले मापदण्डको उल्लंघन गरे संक्रामक रोग नियन्त्रण ऐनअनुसार कारबाही हुने भनिएको छ ।


खुशी मिडिया प्रा.ली. द्धारा सञ्चालित KTMKHABAR लाई नेपाली र अंग्रेजी संस्करणबाट पढ्न, हेर्न र सुन्न सक्नुहुनेछ । एप्सबाट सिधा समाचार पढ्न एन्ड्रोइडका लागि यहाँ र आइफोनका लागि यहाँ क्लिक गर्नुहोस् । फेसबुक, युटुब र ट्वीटरमा पनि हामिसंग जोडिन सक्नुहुनेछ ।


प्रतिक्रिया
सम्बन्धित समाचार

यो साता चर्चामा