मंगलबार, माघ २४ २०७९
ताजा अपडेट

धार्मिक कार्यक्रममा भागदौड हुँदा इजरायलमा कम्तीमा ३८ जनाको मृत्यु


  • KTM Khabar
  • शुक्रबार, बैशाख १७ २०७८
8.6K
SHARES

फाइल तस्विर

इजरायलमा एक धार्मिक कार्यक्रममा भागदौड हुँदा कम्तीमा ३८ जनाको मृत्यु भएको छ ।

हासिडिक यहुदी पर्व मनाउने क्रममा भेला भएका मानिसहरुबीच भागदौड मच्चिभएको स्थानीय सञ्चार माध्यमहरुले जनाएका छन्।

उत्तरी इजरायलस्थित माउन्ट मेरोनको फेदीमा दशौँ हजार मानिस यहुदी पर्व मनाउन भेला भएका थिए। भागदौडमा परेर सयभन्दा बढी मानिस घाइते भएका छन् ।

आपत्कालीन सेवा प्रदायकहरूले घटनास्थलमा घाइतेहरूको उपचार गरिरहेका छन्। तर धेरै भिड भएकाले उद्धार कार्यमा कठिनाइ भएको उनीहरुले बताएका छन्।

हरेक वर्ष मनाइँने उक्त पर्व कोरोना भाइरसको महामारीका कारण अघिल्लो वर्ष रोकिएको थियो। यसपालिको कार्यक्रममा एक लाखभन्दा बढी मानिस सहभागी भएका थिए। नाचगान चलिरहेका बेला एक्कासी भागदौड मच्चिएको हो। भागदौडको कारण खुलेको छैन।

इजरायलका प्रधानमन्त्री बेन्जामिन नेतन्याहुले घटनालाई ठूलो क्षति भनेका छन्।


खुशी मिडिया प्रा.ली. द्धारा सञ्चालित KTMKHABAR लाई नेपाली र अंग्रेजी संस्करणबाट पढ्न, हेर्न र सुन्न सक्नुहुनेछ । एप्सबाट सिधा समाचार पढ्न एन्ड्रोइडका लागि यहाँ र आइफोनका लागि यहाँ क्लिक गर्नुहोस् । फेसबुक, युटुब र ट्वीटरमा पनि हामिसंग जोडिन सक्नुहुनेछ ।


प्रतिक्रिया
सम्बन्धित समाचार

यो साता चर्चामा