राजनीतिक नेतृत्वको चिन्तन र कार्यशैली परिवर्तन हुन सकेन : मन्त्री रायमाझी

उर्जा जलस्रोत तथा सिँचाई मन्त्री टोपबहादुर रायमाझीले राजनीतिक नेतृत्वहरुमा निरङ्कुश व्यवस्थाको चिन्तन, प्रवृत्ति, संस्कार र संस्कृतिहरू अझै कायमै रहेको टिप्पणी गरेका छन् ।

बुधबार काठमाडौंमा अखिल छैठौंले आयोजना गरेको नेपालको बिद्यार्थी आन्दोलन र अखिल छैठौंको इतिहास नामक पुस्तक विमोचन कार्यक्रममा रायमाझीले देशमा व्यवस्था परिवर्तन भएपनि राजनीतिक नेतृत्वको चिन्तन, कार्यशैली र संस्कार परिवर्तन हुन नसकेको टिप्पणी गरेका हुन् ।

उनले परम्परागत व्यवस्थाकाविरुद्ध हतियारले नभइ राजनीति मुद्दाका आधारमा लड्नुपर्ने बताए । राजनीतिक क्रान्तिपछि मुलुकको विकास र समृद्धिको क्रान्तिमा अघि बढ्नुपर्ने उनले धारणा राखे ।

जनताको मन जितेर संविधानमा उल्लेख समाजवादमा पुग्ने लक्ष्यलाई भेट्नुपर्ने उहाको भनाइ छ ।