आजको संसद बैठक, कार्यसूचीबाटै हटाइयो विवादास्पद सूचना प्रविधि सम्बन्धी विधेयक

प्रतिनिधिसभाको आजको बैठकमा समेत कुनैपनि महत्वपुर्ण एजेण्डा समावेश हुन सकेन ।

सरकारले संसदलाई विजनेश नदिएको भनेर आलोचना भइरहे पनि सरकारले आजको संसदलाई समेत महत्वपूर्ण विजनेश नदिएको हो ।

आजको प्रतिनिधिसभाको बैठकमा मधेशी आयोग र थारु आयोगको वार्षीक प्रतिवेदन पेश गर्ने अनि शोकप्रस्ताव पारित गर्ने कार्यसूची राखिएको छ ।

यसअघि सम्भावित कार्यसूचीमा विकास तथा प्रविधि समितिको प्रतिवेदनमाथि समेत छलफल गर्ने एजेण्डा समावेश गरिएको थियो ।

विकास समितिले सूचना ताथ प्रविधि विधेयकमाथि समितिमा भएको छलफलपछि प्रतिवेदन समेत तयार गरेर पेश गर्ने तयारी भएपनि अन्तिममा भने कार्यसूचीबाट प्रतिवेदन पेश गर्ने एजेण्डा हटाइएको छ ।