बुधबार, कार्तिक १९ २०८३
बुधबार, कार्तिक १९ २०८३
फाईल तस्बिर
भारतीय एक अध्ययनले दक्षिण एसियामै नेपालमा महिलाहरुका लागि सामाजिक सञ्जाल सुरक्षित रहेको देखाएको छ ।
सोसल मिडिया अर्गनाइजेसन डिसइन्फोले सार्वजनिक गरेको प्रतिवेदन अनुसार अन्य मुलुकको तुलनामा नेपालमा सामाजिक सञ्जाल महिलाहरुका लागि सुरक्षित रहेको पाइएको हो ।
अन्तर्राष्ट्रिय महिला दिवसको अवसरम सार्वजनिक गरेको उक्त प्रतिवेदनमा दक्षिण एसियामा सामाजिक सञ्जालमा महिला कति सुरक्षित भन्दै अध्ययन गरिएको थियो ।
उक्त अध्ययनमा महिलाहरुलाई सामाजिक सञ्जालमा गरिने दुर्व्यवहार र दुर्व्यवहारको प्रकृतिबारे अनुसन्धान गरिएको थियो ।
प्रतिवेदन अनुसार अन्य मुलुकको तुलनामा नेपाली पुरुषहरुले सामाजिक सञ्जालमा महिलाहरुलाई अश्लित शब्दहरुको प्रयोग कम मात्रामा गर्ने गरेको पाइएको हो । यस मामिलामा सबैभन्दा बढी भारत, त्यसपछि क्रमश: पाकिस्तान, माल्दिभ्स, बंगलादेश र श्रीलंका रहेका छन् ।
डिसइन्फो ल्याबका अनुसार अब्युज-ओ-मिटरका अनुसार राजनीतिज्ञहरुमा भारतमा प्रियंका गान्धी, पाकिस्तानमा मरियम नवाज, माल्दिभ्समा इभा अब्दुल्लालाई सबैभन्दा बढी दुर्व्यवहार गरेको पाइएको हो ।
अन्य सार्क राष्ट्रहरुको तुलनामा नेपालमा दुर्व्यवहार हुने क्रम ८० प्रतिशत कम भएको पाइएको छ ।
© 2026 All right reserved | Site By : SobizTrend
