विवेकशील साझाले भन्यो- सुसंस्कृत राजनीतिबाट सरकार बदलौं

विवेकशील साझा पार्टीका अध्यक्ष रवीन्द्र मिश्रले  सुसंस्कृत राजनीतिबाट वर्तमान सरकारलाई विस्थापित गर्नुपर्ने बताएका छन् । विवेकशील साझा पार्टीद्वारा पार्टी कार्यालय बखुन्डोलमा गरिएको अन्तरक्रिया कार्यक्रमा उनले भने,‘  सबैले सुसंस्कृत राजनीति गर्नुपर्छ । त्यहीअनुसार संसदबाट नयाँ सरकार बन्नुपर्छ ।

सोही कार्यक्रममा विवेकशील साझाका संयोजक मिलन पाण्डेले प्रधानमन्त्री केपी शर्मा ओलीले नैतिकताका आधारमा राजीनामा दिनुपर्ने बताए । ‘राजनीतिमा नैतिकता ठूलो हुन्छ । केपी ओलीजीले नैतिक रुपमा राजीनामा दिनुपर्छ । बाटो खोलिदिनुर्छ।

यस्तै उनले  संविधानअनुसार हुने निर्वाचनका लागि विवेकशील साझा सबै तयार रहेको बताए । पाण्डेले भने,  ‘हामी संविधानअनुसार हुने निर्वाचनका लागि तयार छौँ । तर संविधानभन्दा बाहिरबाट हुने चुनाव भने हामीलाई मान्य छैन ।