एडभान्स चामुण्डा ईन्टिच्युटले गणित शिक्षकका लागि निःशुल्क तालिम प्रदान गर्ने

काठमाडौँ ।
काठमाण्डौं जोरपाटीको एडभान्स चामुण्डा ईन्टिच्युटले गणित अध्यापन गराउने शिक्षकका लागि निशुल्क तालिम सञ्चालन गर्ने भएको छ ।
शनिबार चाबहिल स्थित विनायक सिद्ध कलेज (भिएस कलेज) मा एक दिने तालिम आयोजना गर्न लागेको हो ।
तालिममा नेपालका ख्यातीप्राप्त गणित विषयका प्रशिक्षकहरु रहने इन्सिच्युटका सञ्चालक दिपक रायमाझीले बताए । ‘तालिम निशुल्क हुनेछ । सहभागीहरुलाई प्रमाणपत्रको व्यवस्था पनि गरेका छौँ’ उनले भने ।
काठमाण्डौका पुर्वी भेगमा अवस्थित विद्यालयमा कक्षा १० को अनिवार्य गणित बिषय अध्यापन गराउने शिक्षकहरुलाई मध्यनजर गर्दै यो तालिम आयोजना गरिएको हो ।
एडभान्स चामुण्डा ईन्टिच्युटले हरेक बर्ष एसईई दिने विद्यार्थीहरुका लागि प्रतियोगी परिक्षा समेत सञ्चालन गर्दै आएको छ ।
तालिम भिएस कलेजको हलमा अपरान्ह १ः३० बजेदेखिसञ्चालन हुने जनाइएको छ ।