खुलामञ्चमा बनेका संरचना भत्काउन थालियो

काठमाडौँ महानगरपालिकाले अतिक्रमण भएको खुलामञ्चलाई खुला गर्ने अभियान थालेको छ ।

महानगरपालिकाले दरबार हाइस्कुल र वीर अस्पतालको नयाँ भवन निर्माणका क्रममा थुपारिएका सामग्री खाली गरेको हो ।

दरबार हाइस्कुलको निर्माण सम्पन्न भएको र वीर अस्पतालको समेत पुननिर्माण कार्य सम्पन्न चरणमा पुगेको भन्दै महानगरपालिकाले ती संरचना पुननिर्माणका लागि थुपारेका निर्माण सामग्री र संरचना हटाएको हो ।

काठमाडौं महानगरपालिकाका मेयर विद्यासुन्दर शाक्यले दरबार हाइस्कुल र वीर अस्पतालको भवन निर्माण सकिएपछि निर्माण सामग्री हटाएर खुलामञ्च खाली गरिएको जानकारी दिनुभयो ।

उहाँले अब क्रमश बसपार्क पनि खुला गर्ने जानकारी दिनुभयो । काठमाठौं महानगरपालिकाका प्रमुख प्रशासकीय अधिकृत राजेश्वर ज्ञवालीले पनि मेयरको निर्देशन अनुसार नै खुला गर्ने अभियान थालेको बताउनुभयो ।