प्रदेश १ मा सत्तापक्षको रणनीति : कांग्रेसले साथ नदिए बैठक चल्न नदिने !

सत्तारुढ नेपाल कम्युनिस्ट पार्टी (नेकपा)ओली समूहले प्रदेश १ को हिउँदे अधिवेशनको आगामी बैठक पनि अवरोध रणनिती बनाएको छ ।

अविश्वासको प्रस्ताव दर्ता भएपछि अल्पमतमा परेका मुख्यमन्त्री शेरधन राई नेतृत्वको सरकारले आफ्नो पक्षमा बहुमत आउने ज्ञारेन्टी नभएसम्म बैठक अवरुद्ध गर्ने रणनीति बनाएका हुन् ।

ओली समूहका कारण सातौ हिउँदे अधिवेशनको माघ ७ र २५ गते बोलाइएको बैठकमा अवरोध सर्जना भएको थियो । ओली समूहले आफ्नो समूहले कारबाही गरेका प्रचण्ड-माधव समूहका १६ जना सांसद्लाई प्रवेश गर्न नदिने अडान लिएपछि ७ माघको बैठक प्रदेश प्रमुखले बोलाएको पत्र पढेर स्थगित भयो ।

मुख्यमन्त्री शेरधन राईको विवाहका कारण १८ दिनपछि माघ २५ गते बैठकमा दोस्रो बैठकमा अविश्वासको प्रस्ताव पेस गर्ने कार्यसूची थियो । तर सरकारको अवरोधपछि सभामुख प्रदीप भण्डारीले ९ फागुनसम्मका लागि बैठक स्थगित गरे ।

बैठक चल्नका लागि ओली समूहले नेपाली कांग्रेसको साथ खोजिरहेको छ । नेपाली कांग्रेस प्रदेश १ संसदीय दलका नेता राजिव कोइराला कांग्रेसले समर्थन गर्ने लिखित प्रतिवद्धता गरेपछि मात्रै बैठक चल्न दिने ओली समूहले मनसाय प्रकट गरेको बताउँछन् ।