सरकारको उपलब्धी,खाना पकाउने ग्यासमा २५ रुपैयाँ बृध्दी

सरकारले खाना पकाउने ग्यासको मुल्य बढाएर फेरी जनतालाई सास्ती दिनेकाम गरेको छ । नेपाल आएल निगमले खाना पकाउने ग्यासमा २५ रुपया बढाएको छ । यसलाई सर्बसाधारणले सरकारको उपलब्धि हो भन्दै ब्यङ्ग्य गरेका छन ।

भारतीय आयल निगमले मूल्य वृद्धि गरेसँगै नेपाल आयल निगमले पेट्रोलियम पदाथमा मूल्य वृद्धि गरेको छ । निगमले बुधबार राति १२ बजेदेखि लागू हुने गरी खाना पकाउने ग्यासको मूल्य २५ रुपैयाँले बढाएर एक हजार चार सय रुपैयाँ पुर्याएको छ ।

निगमले बुधबार विज्ञप्ति जारी गरी पेट्रोल, डिजेल र मट्टितेलमा प्रतिलिटर दुई रुपैयाँ बढाएको जनाएको छ । नयाँ मूल्यअनुसार अब पेट्रोल प्रतिलिटर ११२ रुपैयाँ,  डिजेल र मट्टितेलको प्रतिलिटर ९५ रुपैयाँ कायम गरिएको छ ।
निगमले खाना पकाउने ग्यासमा लामो समयपछि मूल्यवृद्धि गरेको हो ।

निगमलेदैनिक साढे ६ करोड बराबरको नोक्सानी हुँदै आएको भन्दै पेट्रोलियम पदार्थको भाउ बढाउनु पर्ने बताउँदै आएको थियो ।