आलोचना गरौं भने प्रधानमन्त्री ओली फेरि नारायणहिटी गेटमा रूनुहोला: रघुजी पन्त

प्रधानमन्त्री केपी शर्मा ओलीले गरेको संसद विघटनको विरोधमा प्रचण्ड-नेपाल पक्षले अहिले राजधानीमा आमसभा गरिरहेको छ।

सभामा अहिले वक्ताहरूले बोल्ने क्रम जारी छ। वक्ताहरूले ओलीले गरेको प्रतिगमनको विरोध गरेका छन्।

सभामा बोल्दै प्रचण्ड-नेपाल समूहका स्थायी समिति सदस्य रघुजी पन्तले प्रधानमन्त्री केपी शर्मा ओलीलाई व्यंग्य गरेका छन्।

मन्तव्यको सुरूमै उनले प्रधानमन्त्री ओलीको आफूले आलोचना नगर्ने बताए।

‘म प्रधानमन्त्री ओलीको आलोचना गर्दिनँ। केही दिनअघि आलोचना गर्दा  नारायणहिटी दक्षिण गेटमा रूनुभयो।  फेरि आज आलोचना गरे अर्को दिन नारायणहिटीको पश्चिम गेटमा रूनुहोला,’ पन्तले भने।

माघ २३ गते नारायणहिटी अगाडि भएको आफ्नो समूहको सभामा बोल्दाबोल्दै प्रधानमन्त्री ओलीले आँशु पुछेका थिए। उनले चिसोले आँशु आएको बताएका थिए तर उनका प्रेस सल्लाहकार सूर्य थापाले भने ओली  भावुक बनेर आँशु आएको बताएका थिए।