वीर गणेशमान सिंह दौड प्रतियोगिता चैत ७ गते

लौहपुरुष गणेशमान सिंहको सम्झनामा चैतमा काठमाडौंमा दौड प्रतियोगिता हुने भएको छ ।

आयोजक वीर गणेशमान सिंह स्पोर्ट्स कमिटीले मंगलबार पत्रकार सम्मेलन गर्दै दोस्रो संस्करणको ‘वीर गणेशमान सिंह टेन के रोड रेस प्रतियोगिता’ चैत ७ गते हुने जानकारी दिएको हो ।

दश किलोमिटरको रोड रेसको महिला र पुरुषतर्फको विजेताले ६० हजार, उपविजेताले ३० हजार, तेस्रोले १५ हजार, चौथोले १० हजार र पाँचौंले ५ हजार रुपैयाँ पाउने छन् ।

छैटौंदेखि दशौँसम्मलाई समान ४–४ हजार बराबरको गिफ्ट ह्याम्पर प्रदान गरिने प्रतियोगिता संयोजक सञ्जीव तुलाधरले जानकारी गराए ।

नेपालका चर्चित खेलाडीको सहभागिता रहने दौडमा अघिल्लो वर्षको कीर्तिमान भंग गर्नेलाई १० हजारबाट पुरस्कृत गरिने जनाइएको छ ।